Bħal vjaġġatur mill-bogħod nistenniek tiġi,
mifruxa ħarsti ’l hemm lejn l-orizzont,
nitħabat ma’ tqalligħ il-mewġ tal-ħajja,
taman li ma ndumx wisq ma nilmħek qrib.
U anke meta l-lejl jiddallam fuqi
u x-xefaq ma jidhirx għax mudlam wisq
bħal donnu jibqa’ tiela’ w jibla’ s-sema,
jo’ s-sema jinżel jgħum fil-baħar fond,
’l hemmhekk jibqgħu iħarsu dritt għajnejja,
ngħasses ħawtiel u nishar bla heda
sakemm din xewqti midfuna ġo qalbi
it-temma tagħha ssib li tkun miksub.
Jew tgħid ġa qiegħed hawn bħal għarib moħbi,
tistenna li, xħin kollni ndur, nagħrfek?
